[攝影入門] 第一次用單反...用乜野mode好?

近兩年有不少朋友由DC/無反轉用單反，

尤其係100D這部超輕便的單反出了後, 

令不少因重量而卻步的人, 進入單反的世界.

但係, 新手用單反, 用乜mode好呢?

很多人一定會同你講, 影人像就用光圈先決(Av) , 

影狗狗就用快門先決 (Tv), 再專業D就用 M mode (manual mode). 

但係, 比我, 我一定會叫人用P mode 

(在我心中,  它一直代表 Perfect mode ^__^), 

之後再set ISO 做 auto, 攪掂.

點解? 因為簡單嘛. 按一按就攪掂. 

除非你已經對光圈、快門、ISO 等等一大堆數字好了解, 

又好有意識咁每次影相都會set好先, 

否則唔好令自己每次影相都有種「煩」的感覺. 

影相就係要開開心心 ^^

咁你又會問我, 點解唔直接用 auto mode ? (即係綠色字A+) . 

這個mode最煩的地方係, 佢連閃燈都唔比你控制. 

好似有日你去間高級餐廳, 好好氣氛, 

諗住攞部機出來影食物, 一按快門, 個內閃無啦啦跳出來閃一下. 

頂... 全世界都望住.... 仲要唔知點叫佢唔閃 

(因為auto mode 真係無得控制佢閃唔閃), 煩爆.

所以, P mode + auto ISO 係最好的選擇. 

咁直到幾時先要轉用其他mode? 

好簡單, 就係當你影極都係太暗/太光, or 

被攝的主體影極都好矇 or 

影來影去都影唔到你心目中那種效果. 

Good ~ ! 咁証明你已經對相片有要求. 

咁就要學下睇更多數字, 好好學用部機了.

(今日公司無乜人, 可以做下自己野. 

希望可以多寫幾篇 for 攝影新手的文章, 

令大家都分享到攝影的樂趣)