日光日白出街影相, 最容易遇到的問題就係背光。
咁乜係背光呢? 就係個主角黑媽媽, 但係背景就好光。
最常見就係個主角背著個太陽。
比個實際例子大家:
你看, 小蕾塊面超暗~! 而背景就光好多
再看多張 :
這張無咁暗, 但係膚色都係唔靚。
點解會咁呢? 因為你部相機被後面超光的背景騙了。
佢以為咁樣係曝光正常.
重點係, 有乜方法解決呢? 最常用的方法有三個.
第一個: 調高「曝光補償」(俗稱 加/減 EV)
用右手姆指按著 (+/-) 那個掣, 再用食指轉動快門掣旁的轉盤向右轉。
咁你就會見到左面畫面個坐標, 由0 轉到 1 ~ 2 ~ 3.
我通常會先調高 2/3 ~ 1 級. 再看看效果如何:
膚色好多了. 當然, 不只小蕾的膚色, 整個畫面都會變亮。
(你看, 樹幹也不再是黑色一遍了)
原先你部相機的測光系統被太光的背景所騙,
所以主體暗了. (通常會話under左)
調高1級曝光補償(EV), 即係話比部相機聽 :
喂, 你出來的畫面比我想要的畫面暗了喎,
我想要光1級.
[ 曝光補償跟相機其他的setting 一樣, 都係1/3 級咁調.
1級 = 轉3下 (即係轉三次 1/3 級) ]
曝光補償當然不只可調高, 也可減.
總之, 主體的光暗跟你所想的不同,
我通常就會+/- EV 來調較。
但係, 這個方法也有弊處, 就係背景會變得太光 (這也可能是好處^_^) .
例如如果背景係天空 or 大海, 調高EV後, 就只會係白矇矇一片。
所以這方法不是所有情況都適合。
如果係咁, 就要用另外兩種方法。
留返下次講 ^___^
-------------------------------------------
題外話:
背光又稱逆光, 是「到此一遊」相最常遇到的難題。
然而, 現代人像攝影, 逆光反而係最常用的手法。
以下兩張相都係用逆光的手法拍攝:
髮絲被陽光照亮的質感, 以及整個畫面的氣氛,
都係順光時難以做到的。
而且因為連帶背景的光度被推高而淡化, 令主體更突出。
網上有更多比我影得好的例子, 打「逆光人像」 google 一下便可以.
沒有留言:
張貼留言