[攝影入門] 最常遇到的難題之一 : 人像背光 (下)

上次講用 加/減 EV (曝光補償) 來解決人像背光的問題。

現在再講另外兩個方法。

第二個, 就係轉個角度影. 

「嘩~! 你反野呀, 咁即係取巧啦! 」

「係, 就係取巧」

難道大家以為, 賣了部單反, 就可以無視「光」這種物理現象? 

就算比部1DX, or D4你, 你要強行背光影, 

影出來的畫面都只會係一樣, 主體都係黑媽媽。

就好似前面係一座燈塔, 你可以做的, 就只係控制隻船兜過去。

影相都要變通下嘛 ^__^"

例如, 想以藍天和大海作背景影小蕾, 但你看, 正面的陰影太強。

所以, 只好轉一轉, 叫小蕾望這一面好了。立即由背光變順光.

當然, 這方法的弊處小蕾已經講了比大家聽, 

就係望著太陽的方向, 真係唔係人人頂得順. 

這也是順光影人像其中一個最大的問題, 

就係主角雙眼瞪唔大。

所以不得不讚Christy咁多年來, 經常頂著陽光的強攻來等我影相 ^___^

講返正題....

唔得的話, 又再轉下角度和位置試試看

咦? 這個角度唔係太曬, 大約推高1級EV就ok, 個海又唔太爆喎, 就咁影啦。

總之, 多行兩步, 

找出一個可以影出你想要畫面的角度就行了。

有時這個畫面比起你所想的畫面更靚。

-------------------------------------------------------------

「喂, 有時真係走無可走, 得一個角度喎」

「咁我只好用終極絕招, ...

....

龜 ....

波........

氣.........」

「頂, 玩野呀~! 」

「係, 係玩野。OK, 其實仲有第三個方法, 就係用內閃。」

「吓? 唔係嘛, 我聽人講用內閃會影得好醜怪的喎。」

「咁你試過未呀?」

「....」

其實好多人都會直覺地覺得, 用內閃影相會影得唔好,

係因為佢地多數係室內, 燈光昏暗的情況下用內閃。

出來的畫面就會得個主角光, 背景超暗, 

而且無哂現場氣氛。

久而久之, 大家就覺得內閃係廢物。

其實內閃有兩種情況下係超好用的. 

一種就係日光日白, 用來補光. 

通常出到來的畫面都會OK自然, 

因為閃燈的光 跟 正午時的陽光相似。

(哈哈, 找不到相添 .... 有機會補返)

第二種就係晚上影連人帶景 or 燈飾。

你看, 很不自然嗎?

剛好有兩張同一位置影的作比較:

三張都係用XE1影的, 

老實, 

有用同無用內閃邊張好D, 唔使我多講啦嘛.

總之, 背光的話, 就試下用內閃補光. 效果可能超符你想像的好。

---------------------------------------------------

日光日白用內閃補光, 多數就咁用返 P mode 就得。

晚上 or 室內用內閃補光, 多數要在 setting 上花點心思. 

所以我多用 M mode.

點set先好, 我遲少少再講。